No Club de Ciencia do Antolín seguimos explorando o mundo que nos rodea a través de pequenos experimentos. Nesta ocasión, traballamos as simetrías utilizando espellos.
A través de diferentes figuras, debuxos e formas xeométricas, o alumnado puido comprobar como, ao colocar os espellos en distintas posicións, aparecían imaxes completas, novas figuras e sorprendentes patróns. Foi unha forma moi visual e divertida de entender que é a simetría e como funciona.
Durante a actividade, os nenos e nenas experimentaron, fixeron probas e descubriron como unha simple metade dun debuxo podía converterse nunha figura completa grazas ao reflexo do espello. Ademais, tamén observaron como se podían crear formas máis complexas xogando co ángulo e a posición dos espellos.
Foi unha sesión chea de curiosidade, descubrimentos e momentos de sorpresa, na que a ciencia e as matemáticas se mesturaron co xogo e a experimentación.
Ningún comentario:
Publicar un comentario