DÍA DO LIBRO NA VILA DE ANTOLÍN

 O alumnado recibiu unha  nova carta de Antolín.

Puxéronse mans a obra e velaquí parte do resultado.

CLUB DE CIENCIA: PEGATINAS PARA VENTÁS

 

🧪 EXPERIMENTO: PEGATINAS PARA VENTÁS

Hoxe no club fixemos un experimento moi divertido e creativo: crear as nosas propias pegatinas reutilizables para decorar ventás 🪟

🔎 MATERIAIS:

• Cola branca
• Lavavaixelas
• Colorante alimentario

👩‍🔬 PROCEDEMENTO:

1. Mesturamos cola branca cun pouco de lavavaixelas.
2. Engadimos unhas pingas de colorante.
3. Remexemos ben ata conseguir unha mestura homoxénea.
4. Debuxamos sobre plástico ou funda transparente.
5. Deixamos secar varias horas… ¡e listo!

🌈 RESULTADO:
Unhas pegatinas tipo “window clings” que se poden pegar e despegar facilmente das ventás.

O museo de arte da Vila de Antolín

 Celebramos o  Día da Arte cunha actividade moi especial e creativa: a elaboración dos nosos propios cadros inspirados na Vila de Antolín.

Durante a sesión, cada clase deu renda solta á súa imaxinación para representar recunchos, paisaxes e detalles da vila, empregando diferentes técnicas e materiais artísticos. Utilizamos pinturas acrílicas, acuarelas e rotuladores acrílicos, o que nos permitiu experimentar con cores, texturas e estilos variados.

Aproveitaremos o día dos museos para inagurar o noso museo.

Educación Infantil 1: A nosa vila

Educación Infantil 2: As casas da clase de Infantil

1º Primaria: A vila mariñeira de 1º

2º Primaria: A vila mariñeira de Antolín

LECTURAS COMPARTIDAS: A FAMILIA DE ARES E LIAM

 O venres, día 10 de abril, veu o papá de Ares e Liam a contarnos o conto "¡Buenas noches, Miau!".

El pequeño Miau, tras realizar su rutina nocturna (cear, lavarse, contar ovelliñas...) prepárase para durmir pero fáltalle unha pequena cousiña que non o deixa... que será?.

Tras contarnos o conto o papá de Ares e Liam falounos do seu traballo, outro oficio fundamental na vila de Antolín, o de carteiro.

                                    

       Moitas grazas por vir!

CLUB DE CIENCIA: COMO FUNCIONAN OS NOSOS PULMÓNS

 No noso Club de Ciencia realizamos unha actividade práctica moi divertida para entender como funcionan os pulmóns. Utilizamos materiais sinxelos como globos, palliñas e unha botella de plástico para construír un modelo que simula o sistema respiratorio.

Materiais necesarios

• 2 globos 
• 2 palliñas 
• Cinta adhesiva
• Folio e cores

Montaxe do modelo

Primeiro, debuxamos os pulmóns no folio. Metemos cada globo nunha palliña e pegámolo. Despois, pegamos as palliñas ao folio.

Que aprendemos?

Con esta actividade entendemos que:

• Os pulmóns non se moven por si sós, senón grazas ao movemento do diafragma.
• O aire entra cando o espazo dentro do peito aumenta.
• A respiración é un proceso mecánico baseado en cambios de presión.

Conclusión

Esta experiencia permitiunos visualizar dun xeito sinxelo e práctico como funciona o noso sistema respiratorio. Ademais, fomentou o traballo en equipo e a curiosidade científica entre os participantes.

Unha actividade sinxela, económica e moi efectiva para aprender ciencia... facendo ciencia!

 

LECTURAS COMPARTIDAS: A FAMILIA DE MATEO

O martes, día 7 de abril, veu o papá de Mateo a contarnos o conto "Malditas ardillas".

O vello Florencio é un gruñón. O único que de verdade lle gusta é pintar nos seus cadros aos paxaros que visitan a súa casa xunto ao bosque. Cando chegue o momento de que os paxaros voen cara o sur para pasalo inverno, ao vello Florencio ocórreselle un plan para evitar a súa marcha: fabrica uns comedeiros e éncheos de ricas sementes e suculentas baias coa esperanza de que os seus preciosos paxaros queden con el. Nembargantes, no cercano bosque hai outros animais que tamén teñen fame e outros plans. 

O papá de Mateo fíxo uns esquíos-lapiceiros para que os nenos e nenas teñan un recordo do conto.

                                    

       Moitas grazas por vir!

OBRADOIRO "COMO APRENDER A CONTAR UN CONTO"

 Celebramos un obradoiro de narración oral con Damián Alonso, dirixido ao alumnado e ás familias. Ao longo da sesión, os participantes aprenderon técnicas básicas para contar contos de forma expresiva e creativa, traballando a voz, o xesto e a imaxinación.

Foi unha actividade participativa e dinámica que permitiu gozar das historias en compañía, fomentando a comunicación, a creatividade e a colaboración entre familias e alumnado.