O xoves, día 28, viñeron a nai de Adriana e o seu irmán a contarnos o conto "Leopoldo, el pequeño mostruo".
Leopoldo é o monstro máis pequeno da clase; sempre está a aguantar as burlas dos seus compañeiros e por iso non lle gusta nada ir ao colexio. Pero un día, o seu tío Evaristo consegue que Leopoldo cambie de opinión... E se ser tan pequeno fose unha vantaxe?.
Un conto monstruoso para aprender que todos somos únicos.
O luns, día 25, veu a nai de Alba a contarnos o conto "El oso y la solidaridad".
Oso descubre a importancia de axudar aos demais e de colaborar para superar as dificultades. Ao longo da historia, aprende que pequenos xestos poden marcar unha gran diferenza na vida dos seus amigos.
Un libro que nos fala da solidariedade, da empatía e do valor de axudarnos uns aos outros.
Participamos na I Romería das Letras, organizada polo colectivo Lemos Le en Sober, nunha xornada de celebración da lingua e da cultura galega.
O noso alumnado de Infantil e 1º de Primaria colaborou interpretando a canción "4 vellos mariñeiros" de Uxía Lambona, compartindo escenario con outros centros e gozando dunha experiencia moi especial chea de música, convivencia e entusiasmo.
Foi unha magnífica oportunidade para celebrar as Letras Galegas e sentirnos parte dunha gran comunidade lectora e cultural. Moitas grazas ao colectivo pola invitación!
.jpg)
Hoxe vivimos unha xornada moi enriquecedora grazas a Fátima, nai de Antón, e Susana, nai de Mateo, que compartiron con nós coñecementos moi importantes sobre primeiros auxilios.
Explicáronnos como actuar ante unha indisposición, como realizar a reanimación cardiopulmonar (RCP) e a masaxe cardíaca, ademais de que facer en caso de atragoamento. Unha actividade moi interesante e práctica que nos axuda a aprender a actuar en situacións de emerxencia.
Moitas grazas por compartir o voso tempo e ensinarnos ferramentas tan valiosas
Actividade co lapis 3D e letras
Hoxe puxemos a creatividade a traballar cunha divertida actividade utilizando o lapis 3D e as letras. Unha experiencia diferente na que combinamos aprendizaxe, imaxinación e novas tecnoloxías, desenvolvendo a motricidade, a creatividade e a capacidade de expresión.
Realizamos un programa de radio dedicado a Begoña Caamaño, no que coñecemos mellor a súa vida e a súa obra.
A través das nosas intervencións compartimos información, lecturas e curiosidades sobre esta destacada escritora e xornalista galega, achegándonos ao seu legado dunha forma creativa e participativa.
Nesta sesión creamos pelotas saltarinas caseiras con fariña de millo, auga e unhas pingas de colorante.
Mesturamos os ingredientes (a mesma cantidade de fariña de millo e auga e unhas pingas de colorante), quentamos un minutiño no microondas… e despois chegou a parte máis divertida: facer boliñas coas mans e poñelas a saltar!
Este martes desenvolveuse na biblioteca de Antolín un obradoiro de cociña e como somos golosos, foi un obradoiro doce. Versionamos o pastel red velvet converténdoo en pink velvet, colacao velvet... iso si, exprés!
Receita:
- 6 culleradas de fariña.
- 5 culleradas de leite.
- 3 culleradas de azucre.
-1/4 cullerada de bicarbonato.
- 25 gr de chocolate negro.
- 1 cullerada de mantequilla.
- Unas gotitas de colorante.
Derrete a mantequilla e disolve nela o chocolate, agrega o leite e o azucre mistura ata que esté todo ben homoxéneo, incorpora o bicarbonato e a fariña e remexe. Engade o colorante.
Bótao nunha taza, pono un minuto no microondas e..... a desfrutar!!
Como cada ano, o alumnado de Infantil leva nas súas mochilas viaxeiras os libros que eles mesmos escollen na biblioteca do centro.
Este curso, os martes pola tarde convértense nun momento moi especial, no que os nenos e nenas desta etapa visitan a biblioteca para elixir os contos que Antolín lles presta cada semana.
Unha oportunidade perfecta para descubrir historias, viaxar coa imaxinación e compartir en familia o gusto pola lectura.
Hoxe tivemos a oportunidade de coñecer de preto o traballo do Distrito Forestal de Lugo.
Durante a visita explicáronnos as súas funcións principais na xestión sostible dos montes, na prevención de incendios forestais e na conservacións do noso entorno natural.
Ademais ensináronnos o funcionamento do dron que empregan para labores de vixilancia e apoio, como se coordinan a través dos walkies, que son os batelumes e de que maneira se utilizan para actuar nos primeiros momentos do incendio.
Moitas gracias Tamara, por darnos a oportunidade de coñecer un novo traballo da Vila de Antolín.
Entre as actividades levadas a cabo para conmemorar a semana do libro desenvolveuse un taller de costura durante os recreos do comedor para o alumnado que o desexou. No taller, instalado na biblioteca, os nosos alumnos e alumnas elaboraron unha carpeta para trasportar os libros emprestados por Antolín.
Os nosos nenos e nenas si que son uns verdadeiros mestres e mestras da costura.
O alumnado recibiu unha nova carta de Antolín.
🧪 EXPERIMENTO: PEGATINAS PARA VENTÁS
Hoxe no club fixemos un experimento moi divertido e creativo: crear as nosas propias pegatinas reutilizables para decorar ventás 🪟
🔎 MATERIAIS:
👩🔬 PROCEDEMENTO:
🌈 RESULTADO:
Unhas pegatinas tipo “window clings” que se poden pegar e despegar facilmente das ventás.
Celebramos o Día da Arte cunha actividade moi especial e creativa: a elaboración dos nosos propios cadros inspirados na Vila de Antolín.
Durante a sesión, cada clase deu renda solta á súa imaxinación para representar recunchos, paisaxes e detalles da vila, empregando diferentes técnicas e materiais artísticos. Utilizamos pinturas acrílicas, acuarelas e rotuladores acrílicos, o que nos permitiu experimentar con cores, texturas e estilos variados.
Aproveitaremos o día dos museos para inagurar o noso museo.
.jpeg)
O venres, día 10 de abril, veu o papá de Ares e Liam a contarnos o conto "¡Buenas noches, Miau!".
No noso Club de Ciencia realizamos unha actividade práctica moi divertida para entender como funcionan os pulmóns. Utilizamos materiais sinxelos como globos, palliñas e unha botella de plástico para construír un modelo que simula o sistema respiratorio.
Primeiro, debuxamos os pulmóns no folio. Metemos cada globo nunha palliña e pegámolo. Despois, pegamos as palliñas ao folio.
Con esta actividade entendemos que:
Esta experiencia permitiunos visualizar dun xeito sinxelo e práctico como funciona o noso sistema respiratorio. Ademais, fomentou o traballo en equipo e a curiosidade científica entre os participantes.
Unha actividade sinxela, económica e moi efectiva para aprender ciencia... facendo ciencia!
O martes, día 7 de abril, veu o papá de Mateo a contarnos o conto "Malditas ardillas".
Celebramos un obradoiro de narración oral con Damián Alonso, dirixido ao alumnado e ás familias. Ao longo da sesión, os participantes aprenderon técnicas básicas para contar contos de forma expresiva e creativa, traballando a voz, o xesto e a imaxinación.
Foi unha actividade participativa e dinámica que permitiu gozar das historias en compañía, fomentando a comunicación, a creatividade e a colaboración entre familias e alumnado.
No club de ciencia convertémonos en pequenos cociñeiros e cociñeiras e fixemos receitas moi divertidas.
Primeiro preparamos un delicioso petit suisse utilizando fresas, queixo fresco, azucre e xelatina. Mesturamos todos os ingredientes e observamos como cambiaba a textura ata conseguir unha sobremesa moi rica.
Ademais, tamén fixemos unhas nubes de fresa con xelatina. Foi sorprendente ver como a mestura se transformaba pouco a pouco ata quedar esponxosa e suave.
Pasámolo xenial experimentando coa comida e aprendendo que a ciencia tamén está na cociña.
Que ben sabe aprender!
