O día 28 deu comezo a actividade "As familias contan". A primeira en vir foi a nai de Rubí. Entre as dúas contáronnos dous contos que nos gustaron moitísimo: Unha eiruga moi larpeira e La damisela que no está en apuros.
Un domingo soleado, unha eiruga nace dun ovo. É pequena pero ten moita fame. Por iso, día a día, percorre as páxinas devorando todo canto atopa. Así, ata se converter nunha fermosa bolboreta.
O narrador deste conto estaba decidido a contar a historia de sempre: a pobre damisela en apuros estaba atrapada nunha alta torre e retida por unha vella bruxa.... Sen embargo, esta vez non é verdade. A alta torre é unha casa perfecta, a bruxa a avóa da protagonista, que por certo, está desfrutando do lindo no seu castelo.
Moitas grazas por vir!
Ningún comentario:
Publicar un comentario