venres, 29 de novembro de 2024
MES DA CIENCIA NA GALAXIA DE ANTOLÍN
Para celebrar o Mes da ciencia nas bibliotecas Antolín quere que sexamos científicos. E este curso ten que ir ao espazo e para iso necesita.... acertástedes! un cohete espacial.
Cada grupo de alumnos/as recibiu unha carta coas instrucións para fabricar o cohete e Antolín probounos todos, a ver cal lle convence máis para viaxar.
Boa viaxe Antolín!
luns, 25 de novembro de 2024
"O MUNDO DE CORES DE ROQUE E LÍA"
O Concello de Sarria, con motivo da conmemoración do 25 N, enviou ao cole o contacontos "O mundo de cores de Roque e Lía" de editorial Galaxia, levado a cabo pola súa autora, Paula Suárez. Os destinatarios foron o alumnado de Infantil e primeiro ciclo de Educación Primaria.
Que ben o pasaron os nenos e nenas, sobre todo cando chegou o momento de pintar as unllas!
Resumo: Roque e Lía, teñen un xogo secreto grazas ao cal, xunto cos seus amigos de clase, descubriron que hay moitas e diferentes formas de ser, estar, e por su posto, de pintar as unllas.
venres, 22 de novembro de 2024
RADIO ANTOLÍN CO DÍA DA MÚSICA
Para conmemorar o día da Música, o alumnado de 5º de Primaria achegouse ata Radio Antolín para gravar un programa sobre a figura do compositor John Williams.
Se queredes saber todo o que nos contaron, compartimos con todos vós o resultado do programa:
xoves, 14 de novembro de 2024
HISTORIAS NA GALAXIA DE ANTOLÍN
Antolín púxonos un novo reto. Crear unha historia intergaláctica coas palabras que aparecían na constelación. Tedes no seguinte enlace o resultado!
CREAMOS O NOSO PLANETA
Recibimos outra carta de Antolín coa 3ª proba desta viaxe polo espacio...
Si, lestes ben, crear o noso propio planeta! Temos moitos: O planeta da Sinceridade, o planeta do Desorde, Chispitas, o planeta Saturdiano, Endilandia, do Confeti, da Paz, o planeta Multicolor, o planeta Animals Forever...
Antolín non sabe a cal viaxar!
luns, 11 de novembro de 2024
SAMAÍN
Os nenos e nenas de Oural estaban tranquilamente nas súas aulas cando recibiron a seguinte nota.
Buscaron na pantalla o audio que lles decían na nota. Nel decíanlle que Antolín estaba perdido no espazo e que se o querían axudar tiñan que buscar resposta as seguintes preguntas.
Para elo poderían buscar axuda na biblioteca.
Unha vez que atoparon todas as respostas, lanzáronse á aventura. Pero antes, tiveron que comprobar no escáner se as respostas eran correctas.
Na Galaxia de Antolín, buscaron a unha meiga que os ía poñer a proba.
Tiveron que buscar estrelas pola galaxia, para poder formar a constelación que lles fora adxudicada. Pero para poder conseguilas tiveron que pasar por varias probas espaciais.
Ao finzalizar a aventura, reuníronse todos para vivir o reencontro co astronauta Antolín.
Subscribirse a:
Publicacións (Atom)